Iyerusalim go'zallik qirolichasi (, ) / 1 сезон, 7

Mazkur epik drama XX asr voqealarini hikoya qiladi. Аniqrogʼi, bir oilaning bir necha avlodlari taqdiri orqali mamlakat tarixi yoritiladi. Serialda muhabbat faqatgina shaxsiy hayotdagi baxt emas, balki ijtimoiy mavqe va moddiy farovonlikka erishish vositasi sifatida koʼrsatiladi. Ota-onalar farzandlarining kim bilan oila qurishi kerakligini oʼzlari hal qilishadi. Farzandlarining shaxsiy baxti ularni qiziqtirmaydi. Chunki jamiyatdagi mavqe eng muhim vazifa sifatida koʼriladi. Syujet markazida Ermoza oilasidagi kuchli irodaga ega ayol – Merkada va uning oʼgʼli – Gabriel turadi. Merkada Ermoza oilasida hech kim koʼngil amri bilan turmush qurmagan. Oʼgʼli Gabriel esa bu shafqatsiz qoidaga barham berishga qaror qiladi. U ota-onasining talablariga qarshi chiqadi. Uning uchun faqat oʼz baxti muhim. U hayotda bir marta boʼlsa ham haqiqiy tuygʼularni his qilishni va qolgan umrini sevgan ayoli bilan birga oʼtkazishni orzu qiladi. Gabrielning ishqi tushgan qiz esa mavqei jihatdan yigitning oilasiga munosib emas. Ularning bu sevgisi jamiyatning anʼanaviy qoidalariga qarshi. Biroq oshiqlar oʼz muhabbati yoʼlida barcha narsadan voz kechishga tayyor. Biroq Gabriel ota-onasining bosimi bilan sevmagan qiziga uylanishga majbur boʼladi. Taqdirning hazilini qarangki, Gabrielning qizlari ham ayni shu yoʼlni bosib oʼtadi... Ermoza oilasining fojeaviy tarixi Quddusda sodir boʼladi. Voqealar turli tarixiy davrlar — Usmoniylar imperiyasi, Britaniya mandati va Isroil mustaqilligi uchun urush davrlarida namoyon etiladi. Ushbu murakkab muhabbat dramasi nafaqat shaxsiy fojealarni, balki milliy va tarixiy voqealarning shaxslar taqdirga qanday taʼsir qilishini ham yoritadi.